返回列表 發帖
曼聯第一簽係由賓菲加簽入瑞典籍中堅連迪路夫 (Victor Lindelof)!

Manchester United Champ20ns!!!
Update一下轉會情況!

連迪路夫同盧卡古加盟後,一直傳皇馬既莫拉達好大機會加盟,點知轉頭去咗車仔,仲好似話係6000至7000萬左右!同曼聯開既價錢應該差不多!睇情況應該係曼聯截咗車仔糊簽咗盧卡古後,對莫拉達既興趣變咗無咁大,所以唔同車仔爭!雖然我唔清楚莫拉達有幾勁,但我個人認為同樣可以踢中鋒兼有英超經驗既盧卡古係比莫拉達好,既然有類似球員,咁就唔水要莫拉達!

摩連奴話仲想簽多兩個,包括一個前鋒,傳聞阿記唔要既A山都有機會,我就非常想曼聯簽到佢,佢可以踢前鋒同翼鋒,射門觸覺又強,係好嘢!
Manchester United Champ20ns!!!
曼聯主場擊敗愛華頓,仲要大炒4:0,不過過程唔係好似賽果睇落咁輕鬆!開波幾分鐘華倫西亞神來之筆,射球世界波先開紀錄,實在係令到球隊踢得輕鬆d!不過愛華頓始終係實力強大球隊,只係開季硬仗連場,先會有連輸紀錄!佢哋落後之下都極力反擊,曼聯初段仲可以壓住打,但後來愛華頓確實俾咗好大威脅曼聯,更有幾次差d失球!

前線攻擊方面盧卡古好似有d疲態,福仔似乎入唔到局,麥希達恩一時見佢好多波踢,一時又唔見影,好難捉摸!兩個高大防中踢得好,普巴受傷情況下暫時未有太大影響,楊格上場有好表現,今場摩連奴俾佢踢正選,佢都算交到貨!

愛華頓下半場後段防守失誤,俾曼聯入多球後就開始散咗,最後輸4球都無乜好賴!

希望摩連奴能夠改善前線既一d唔穩定因素,令到球隊能夠面對強隊時表現再好d!

曼聯贏波,不過曼城前一日竟然大炒屈仔6粒,令到得失球差追到同曼聯一樣可以並列榜首,依家英超不敗之師只有曼市雙雄,睇下最後邊個可以keep到!





Manchester United Champ20ns!!!
比利時足總周日證實,隊中的曼聯中場費蘭尼拉傷左膝韌帶,將會休戰數星期,代表他至少無法在本周六作客利物浦的英超雙紅會上陣。

另外,紅魔另一球星保羅普巴的大腿傷患出現反覆,消息指需要休息多兩個月,直到聖誕快車賽期才可復出。
明知春天 是匆匆會逝去似水逝去
明知將會 人將會落淚為你流淚
明知苦果 亦請你進夢塈琲犒絑
懷著信念 未信愛是有罪

踢完太公波(國家隊)後曼聯多咗幾個傷兵,特別係中場爆炸頭,國家隊已經出線,咁傷法都幾無謂,跟住幾場作客賽事都變得難踢!作客利記因為中場攔截球員唔夠對手多,辛苦地死守迫和,作客賓菲加只能夠因為對手後生門將出錯而小勝1球,到作客哈特斯菲爾德終於要輸今季首場賽事,其中部份球員犯錯當然係關鍵因素,不過成隊波已經出現疲態,都係落敗原因!

週中再作客史雲斯,摩連奴就終於響唔係咁需要重視情況下多d輪換,俾多d主力休息,輪到班後備出場!連加特、杜安沙比、麥湯美尼等都有得出場,仲踢得唔錯!其中連加特更加入兩球幫球隊出線!

其實連加特同福仔既默契唔錯,如果多d出場合作機會,應該會為球隊進攻方面有更多威脅!
Manchester United Champ20ns!!!
擾攘多時的智利國腳阿歷斯山齊士轉會事件,周二凌晨終於落實,曼聯在官方網頁宣布A山正式加盟,另邊廂米希達利恩亦在阿仙奴官網現身,代表今次球員互換交易正式拍板。

曼聯在官網發放一條片段,歡迎29歲的A山加盟,身穿7號球衣以鋼琴伴奏登場;阿仙奴官網亦詳細介紹MK仔履歷,期待他入廠後對球隊作出貢獻。

阿歷斯山齊士轉會曼聯終於落實,消息話佢簽約4年半,而且最高周薪達到天價60萬鎊,簡直葡萄死人!英國《每日郵報》話條數咁計,首先山神基本周薪有35萬鎊,然後肖像權每個星期為佢帶來10萬鎊收入,另外,佢每周最高獎金可以達到14.4萬鎊,換句話講,最高周薪可以達到59.4萬鎊!
明知春天 是匆匆會逝去似水逝去
明知將會 人將會落淚為你流淚
明知苦果 亦請你進夢塈琲犒絑
懷著信念 未信愛是有罪

呢條片好正,曼市打比球迷反應!
http://www.espn.co.uk/video/latest-videos/600/video/3448972
Manchester United Champ20ns!!!
Manchester United Champ20ns!!!
曼聯今季剛完,連世界盃都未開始踢就已經快簽咗兩個球員,就係薩克達巴西中場費特同波圖葡萄牙左閘達洛特。

兩個我都唔係好識,不過似乎外界既評語算唔錯!

費特似乎係果種響中場比較活躍球員,有體力,能助攻助守,有控球能力!照分析摩連奴或者有機會用佢同普巴一齊,再加馬迪墮後做防守,形成中場結構!

至於達洛特就係年輕球員,今年只係19歲,佢響波圖雖然係踢左閘,但其實係右閘出身球員,聽講佢亦踢過中堅位,但主力都係踢閘位,正好可以接班左楊右華,佢兩個今年都33歲了!
Manchester United Champ20ns!!!
返回列表